超現實

「價值」

之前都有討論過人生價值觀嚟個問題,老實講有時自己都覺得慢慢被香港嘅環境侵蝕,就好似以前係中國做嘢咁,慢慢變得內地化。當然每個人都有唔同嘅價值觀,你以為自己無變,但係其實係不自覺咁變緊。只不過因為慢慢咁逐少逐少改變,所以自己唔係好察覺。正所謂近朱者赤,近墨者黑,慢慢就會被同化。人要生存係一個好現實嘅問題,而係香港真係窮得剩低「錢」嚟個價值觀!

「現實」

相信大家嚟幾日都會討論「我係乜乜乜」今次嘅題材「男神」!點解?因為佢好笑?係,其實真係幾好笑。因為真係超現實!節目入面展現出嘅唔單止係「港女」呢個問題,而係一個超現實問題。或者嚟個亦都係香港人嘅問題!邊個唔知有錢好,但係錢唔係萬能,錢唔係唯一嘅人生價值觀。但係香港嚟個扭曲嘅環境,就算你想置身事外,身邊嘅人或多或少都會影響緊你!

「轉軚」

好啦,講返個節目個班「港女」嘅反應,其實係唔係意料之內或者係料之外?當佢哋唔知佢係邊個嘅時候,你會見到其實係好靠同對方嘅交流同直覺去選擇,所以大部份人會揀遊學修,因為嚟樣其實先至係佢哋本身認同嘅價值觀。只不過現實係當大家知道佢哋嘅身份嘅時候,好多人都會變得好現實,咋咋臨轉軚去劉鳴煒嗰邊。無他嘅,因為錢嘅萬有引力,亦證明香港社會係俾物質主義支配,因為大家忘記咗佢嗰啲驚人嘅偉論!