叱吒台

「叱吒」

又係每年一度嘅「叱吒樂壇流行榜頒獎典禮」,而今年嘅焦點亦都係落係坤哥,吳業坤身上。當然好多人會問點解佢有資格?首先「叱咤樂壇我最喜愛的歌曲大獎」係現場觀眾一人一票即將選出嚟,就連「羅生門」都俾「原來她不夠愛我」撼低。總票數相差二百票,咁你話呢?而「叱咤樂壇我最喜愛的男歌手」就當然有更多爭議,因為一個新人竟然打敗陳奕迅,張敬軒,羅力威同周柏豪!

「廣東」

好多人話依家啲廣東歌唔好聽,話唱片業唔好好難做,話香港樂壇有病,其實真係有少少。但係正如林海峰喺「叱吒」所講「I want you 廣東歌,就算會有一點肚餓,唱首廣東歌代表我。」廣東歌代表我哋嘅本土文化。高音唔代表宇宙最強,點解要蒙咗面去唱歌,唱廣東歌唔需要其他人嘅認同。其實好簡單,只要堅持自自然然就會聽到。我哋香港人唔聽「廣東歌」可以聽乜歌?

「創作」

好多網民都會好關心新嘅版權條例,而係黃偉文得到「填詞人大獎」嘅時候講咗一啲佢嘅睇法,如果你唔明點解大家反對咁真係要聽吓佢講嗰番說話!「以前嘅世界冇咁複雜,個歌詞版權持有人都係我自己,旋律都係我啲朋友,我自己唔會告我自己,但個政府都可以跳過我自己去代表我自己告我自己,所以你話係咪今年最後一年嚟叱咤呢?不過,我可以應承大家,無論嚟緊嘅日子,我喺壁屋、小欖、喜靈洲、芝麻灣,無論一次、二次、三次定係N次,我都會堅持創作,我最愛嘅廣東歌詞。」

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]