又年尾


個人分享
Tagged With: , , , , , , , , ,

「事業」

今年工作方面就話好唔好,話差唔差,只不過仲未打開到一個缺口可以突圍而出。幾經辛苦先至可以話開展培訓方面嘅業務,但係仲係一個好初步嘅階段。而五年過去,將會係點?真係唔知!唔知係應該守,定係應該係時候再博一博。不過點都好,係時候諗下其他市場,繼續咁浪費精力同時間唔係辦法。希望明年可以有啲起色。雖然未死得,但係都係得返半條人命。

「家庭」

今年繼續坐過山車,不過好彩有另一半係身邊,唔係都幾難捱。其實過去過幾年邊樹有平靜過,年年屋企梗係有啲嘢忙。今年頭半年就趁郭大少未出世去多幾次旅行,下半年郭大少出咗世就忙到癲咗,根本上就無停過手。雖然爺爺今年身體唔係太好,不過最重要係依家健健康康同開開心心,四代同堂真係好難得。而最後我家老大又係多病痛嘅一年,希望佢以後都健健康康咁陪伴我哋身邊。

「朋友」

今年屋企同公司嘅事情實在太多,無乜時間同心情去搵朋友談天說地,莫講話坐低飲杯嘢,就連手機睇短訊嘅時間都近乎零。所以唔好意思呀各位朋友,今年真係太多嘢要處理而有可能忽略咗你哋。不過都係果句啦,無論今年大家有無見過面,又或者有無食過飯,請多多包涵。希望明年可以多啲時間再同大家出嚟吹下水,食個飯,傾吓湊仔經,賽下車,遊個車河,等等啦。朋友係要出嚟見嘅!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]