去賽車

「香港」

係香港要接觸賽車係一件比較困難嘅事,雖然話地方細但係澳門同新加坡都有唔同嘅賽事。莫講話香港無任何國際嘅比賽,甚至乎一個小型賽車嘅場地都無。依家啲車手大部份都要係其他地方訓練同比賽。所以話要接觸到賽車嚟樣嘢都幾難。但係最好笑嘅地方就係香港其實有好多超級跑車,而香港嘅交通真係無可能發揮到嚟啲車嘅性能,更何況話渣快啲。

「賽車」

上個星期日同一班朋友去咗玩小型賽車,而對上果次真係唔記得係幾耐之前。雖然只係小型賽車,但係所需要嘅體力都唔少。咁啱嗰日啲天氣真係非常特別,由一開始濕地,到半乾濕,直至全乾嘅賽道都一次過還晒,真係可遇不可求。不過始終覺得自己喺度玩緊瑪利歐賽車,因為濕地就要漂著咁過彎,一個唔留神就打圈。小型賽車本身真係要好睇技術,一出錯基本上就無得返轉頭。

「期待」

其實香港係有條件去舉辦國際賽車嘅賽事,而直至到最近先至講緊係香港舉行電子一級方程式。講真,舉辦賽車活動其實對香港嘅經濟係有幫助,而旅遊業當然一定會受惠,事關世界國地嘅賽車迷都會嚟睇賽事。不過講到尾,香港依家無專門培訓賽車手嘅課程,就算有最近都要去到珠海或者肇慶嗰邊先至有賽車場。其實香港係唔係都可以起返個小型賽車場呢?


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]