話咁快

「時間」

唔經唔覺郭大少話咁快已經五個月大!時間真係過得好鬼快,而依家佢越嚟越多表情,但係最安慰嘅係佢都算係一個開心嘅小朋友。我相信除咗自己個仔之外都好少見到咁開心嘅小朋友。因為佢基本上好鍾意笑,除咗有要求,但係只要你同佢玩,一般佢都會俾返一個好燦爛嘅笑容俾你。有時出街嘅時候,有啲陌生人見到佢同佢笑,佢都會唔執輸咁俾返個招牌笑容人哋。

「長大」

好多時啲人話細路仔大得好快,真係完全冇錯。依家睇返郭大少啱啱出世嘅時候啲相同依家比較真係唔同晒。啱啱出世嘅時候真係好的骰,不過最好笑嘅係佢表情多多,成日古靈精怪。湊一個小朋友真係唔簡單,上年嘅今日仲係老婆個肚入面,今年已經五個月人仔。時間真係過得太快喇!有時希望佢快啲長大,但係又好矛盾地想佢停留係呢個咁得意嘅階段。父母嘅思想真係好難捉摸。

「樂天」

郭大少啲得意嘢真係數之不盡,有時雖然搞到我哋兩公婆一頭煙,但係只要佢開心,只要佢健康就得。夜晚瞓覺好甜嗰樣,到朝頭早一起身見到佢搵你然之後同你笑個樣,真係乜都唔記得,乜都忘記晒。希望郭大少繼續咁開開心心,做個快樂同樂天嘅小朋友。始終希望佢有一個快樂嘅童年,健健康康咁成長。做人父母我諗應該都係盼望小朋友咁啫!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]