天氣變


個人分享
Tagged With: , , , , , , , , ,

「氣候」

大家經常聽到氣候變化,地球暖化,而嚟啲變化會直接影響到地球生態,甚至有機會令我哋人類滅亡。大家都話天氣反常,年年都有唔同嘅自然災難,其實都係因為我哋每日消費緊地球嘅資源。雖然現今科技發達,但係有啲嘢其實係唔可能逆轉。真係一去不返!當然係希望有一日科技可以改變到嚟個情況,但係嚟一日蒞臨之前大家其實係唔係應該盡我哋所能去保護地球村嘅所有嘢呢?

「反常」

今個聖誕節啲天氣真係估佢唔到,又熱又濕又凍,真係乜都齊。唔知以為自己去咗墨爾本,一日四季。如果你話地球嘅氣侯無變嘅話咁點會係十二月尾都仲可以著短袖衫出街呢?真係有啲變態!以前就話係澳洲返嚟過放暑假,所以唔覺得香港凍,可以短袖出街,啲人仲會用一啲奇怪嘅眼光望住你。但係回流返嚟已經好幾年其實已經習慣咗。不過咁熱嘅聖誕節真係第一次。

「消失」

因為地球暖化,已經令好多野生動物面臨絕種。有啲動物甚至已經開始一反常態,為咗生存已經諗辦法去開始進化。雖然有好多陰謀論話有啲病毒係生化武器,但係有冇諗過,嚟啲病毒嘅出現係同地球暖化有關係。以前或者唔會出現一啲新嘅病毒,甚至有嚟啲病毒已經消失係地球表面,不過慢慢因為氣候嘅改變而重現。所以有時唔好以為地球暖化唔關自己事,就算係都關你哋下一代嘅事!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]