星戰呀

「星戰」

首先我唔係星球大戰嘅粉絲,所以你唔好問我關於星球大戰嘅嘢。當然我係有睇哂所有星球大戰嘅電影,但係始終覺得以前拍過三套好過之後拍嗰啲。當然如果係一個忠實粉絲應該可以話到俾我聽點解會先拍咗第四至六集,之後再拍返第一至三集。初初以為星戰已經完咗,但係依家又出咗一集新嘅,之後仲有兩集,咁其實係唔係唔會拍完嘅呢?

「橋段」

其實如果有睇過星球大戰嘅人都知道一開始個段係好重要,因為一般都會解釋個故事開始個場景同背景。當然個片頭嗰堆字成為一個潮流甚至係星戰嘅標誌,而背景音樂亦都係好經典,所以已經好深入民心。真心覺得星戰第四至六集係拍得最好,雖然當年無現今嘅科技,但係出嚟嘅效果真係嘆為觀止!不過真係橋唔怕舊最緊要受,每集嘅劇情同橋段都好相似,所以如果去睇都預左會點!

「劇情」

今次新一集嘅星球大戰,我諗最大賣點係第四輯嘅主角大部分都係原班人馬飾演,所以應該有一份親切感。另外當然就係大家熟悉嘅光劍同千年鷹號,不過故事都係離唔開發現秘密,然後被追殺,之後逃脫,再被緝拿,再逃脫,然後反派有強大武器同陰謀想統治全宇宙,正派想盡辦法去解除危機,然後遇到問題,不過最終得以解決。而每次當然有人死,咁先可以激發主角嘅原力潛能,不論好壞,之後啲主角一係被擊敗一係就重傷,如果唔係邊樹有下一集呀!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]