競爭法


個人分享
Tagged With: , , , , , , , , ,

「競爭」

做任何生意或多或少都會有競爭對手,無論邊個行業都會有,無一倖免。除非你係做一啲創新嘅行業,不過就算嚟刻無人同你爭,唔代表以後無。所以無時無刻都要準備迎戰嘅狀態,仲要不斷搵唔同出路,唔可以坐以待斃。不過唔係有競爭就好,尤其當個市場出現惡性競爭,甚至乎出現減價戰嘅情況。所以政府就立法去規管,原因係希望反壟斷,但係事實真係可以嗎?

「得益」

有競爭先至有進步?有時係,不過好多時因為競爭令到市場出現畸形嘅狀態!就算有新嘅法例去規管都係一樣!每當有大財團加入嘅時候,其實或多或少佢哋都會壟斷巿場,因為佢哋財雄勢大有好多資源可以利用。到底競爭法係邊個受惠?原本係希望令消費者得益,但係而家因為政府無考慮唔同行業嘅情況而一刀切,結果就梗係唔洗諗啦,到最後咪又係啲大商戶玩晒!

「減價」

其實今次競爭條例推出之前,好多大型嘅連鎖店都有減價嘅情況。但係減咗價之後係唔係平啲?其實老實講唔覺得平得去邊。而且有啲產品都有建議零售價,價錢都好劃一,你去啲邊度買都係一樣價錢。所以點解佢哋話減價,其實都係以本傷人,因為眾所周知大量入貨一定平啲,而往往都會平過零售價。所以就算平過零售價,佢哋都會有賺。講真都係捉消費者心理。