得罪了

「銷售」

雖然每個人做生意同搵錢方法嘅都有唔同,但係有時我覺得生意唔係淨係做一次,應該要以客戶嘅利益作為大前提,因為口碑係好緊要。但係過去嚟幾年就係唔同嘅地方做嘢嘅時候,總會遇到有啲人係側邊傾電話講生意。好多次都覺得佢哋係恰人哋唔識嘢,而去用一啲我唔係太認同嘅手法去銷售。當然或者佢哋發達係有原因,但係如果要我用同樣嘅手法去搵錢嘅話,我真係過唔到自己嗰關。

「得罪」

首先我唔係想得罪任何人,但係今日講呢啲嘅話或多或少都會踩到某啲人嘅神經。只不過今時今日真係仲有人用一啲咁低莊嘅手段去搵錢。其實只係去坐低飲咗杯咖啡,隔離有個人坐低咗,然之後攞起個電話打電話俾個客,初時無為意佢講嘅內容,但係聽聽下原來係幫人係搜尋器買關鍵字。講到好似用少少錢就可以將公司係搜尋器都排係第一二頁。講真有錢就可以買關鍵字,仲要可以好貴,嚟種行騙嘅手法真係好多人中招。

「想點」

個對話仲最後話依家唔使俾錢,之後做到先收錢。唉,真係只要有人相信乜嘢人都可以走去做嚟行。好唔好,有無用,幫唔幫到個客,甚至乎經濟效益係點,其實真係佢自己先知。不過亦因為咁,好多中小企中招,白白浪費資源,之後仲失去信心。真係多得嚟啲識少少而去魚目混珠嘅人同公司唔少。唔講句「多謝晒」真係唔得。好心啦,賺個一千幾百就唔好害人啦。


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]