吸塵機


個人分享
Tagged With: , , , , , , , , ,

「吸塵」

你一生人會幾常用吸塵機?其實依家啲吸塵機真係幾勁,不過令大家最頭痛嘅就莫過於吸完塵之後要倒咗嗰啲垃圾同灰塵。市面上有啲吸塵機仲用緊吸塵袋,但係依家好多都已經放棄吸塵袋,因為用家覺得長遠嘅費用好昂貴,所以大多數都唔會買用吸塵袋嘅機種。但係咁又衍生另一個問題就係就算倒完啲垃圾之後,其實仲有好多灰塵係個容器入面,好難清洗。

「清洗」

之前因為個仔出世所以買咗部戴森(Dyson)嘅吸塵機,事關佢嘅吸力好好唔似傳統嘅吸塵機吸吸下因為多灰塵同垃圾而影響吸力。但係用咗一排之後發現咗一個問題,就係點解中間個濾網入面開始積聚灰塵,點搞都唔乾淨,試過用壓縮氣體清理但係搞到啲塵周圍係。最慘嘅係本說明書話個部分無得拆出嚟洗,只可以用個掃清潔。當然我唔信佢拆唔到,所以係網上面搵咗好耐,終於搵到方法清潔部吸塵機。

「教學」

之前係社交媒體講過呢件事,而大家都問點樣可以拆出嚟。所以今日寫個教學等大家唔洗搵得咁辛苦。首先拆咗個垃圾桶出嚟,然後係部機嘅下面望上去。你會見到有兩粒白色嘢,之後搵兩支外賣筷子,左一支右一支,一篤就甩。唔好暴力,溫柔溫柔,唔係會整爛!其實過程係一兩分鐘搞掂。之後就拎去洗,記得記得洗完要抽乾佢先好用!唔係會壞摩打!係都要講明如果你整壞咗,我唔知仲有冇保養,因為係人為,所以後果自負,我帶咗頭盔先!下面我拍咗條片,希望幫到大家!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]