梅艷芳

「梅姐」

而家啲年輕人未必知道梅艷芳嚟個名,因為佢哋未出世,甚至乎從來都未聽過梅姐嘅歌或者佢拍嘅戲。梅姐係演藝界嘅地位相信今時今日無人能及,依家所謂嘅大明星,大歌星真係要行埋一邊!雖然梅姐已經離開咗大家好一段日子,但係佢遺留落嚟嘅物品竟然被信託公司拎出嚟拍賣。當然我有好多問號,因為點解會將梅姐嘅遺物一次又一次咁拎出嚟講開拍賣呢?

「有病」

首先點解會有人將梅姐遺留落嚟嘅物品逐一拎出嚟拍賣,而且有好多都係好有紀念價值嘅獎座。慶幸嘅係好多人都唔希望梅姐嘅遺物各散東西,所以將啲獎座競投返嚟。但係事隔幾年,今次遺產管理公司再將梅姐餘下嘅三千幾件嘅遺物全部拎出嚟拍賣。其實點嘅要拍賣梅姐嘅遺物?點解唔可以俾返屋企人?甚至乎捐俾歌迷會都可以㗎嘩!而今次最寶貴嘅應該係梅姐嘅新秀冠軍獎座!

「尊重」

我睇到新聞之後就走咗去個拍賣網睇下究竟間無人性嘅公司拎啲乜嘢出嚟拍賣。點知一睇,真係衫褲鞋襪乜都齊,而我心入面真係想講粗口!有冇攪錯呀,係唔係有病呀?真係乜都唔放過!可唔可以尊重下梅姐呢?我相信如果你上去個網站睇都會覺得驚訝,真係離晒大普!我其實都睇下有無啲有紀念價值嘅嘢可以競投返嚟,再捐返去俾歌迷會又好,甚至乎自己保存咗先有好,講到尾都係想盡少少綿力保存梅姐嘅遺物。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]