背棄了


個人分享
Tagged With: , , , , , , , ,

「理想」

每個人都會有自己嘅理想,而理想當然係會隨住大家嘅年紀同經歷改變。雖然有時理想同現實係可以好脫節同好離地,而且有啲人亦會因為生活嘅壓力而放棄自己嘅理想,但係到最後至少核心嘅價值觀係唔應該改變。如果有日你唔單止改變自己嘅理想,甚至乎連最核心嘅價值觀都改變埋,咁當初大家認識嘅你真係當初嘅你嗎?到咗最後大家只會唾棄你,離棄你。有時何必呢?

「愕然」

我相信每一個香港人甚至乎全世界嘅華人都唔會唔認識「Beyond」。雖然家駒已經離開咗大家好一段日子,但係「Beyond」嘅精神係大家嘅心目中係永遠唔會改變。但係今日最多人討論嘅就係家強同我哋個位特首一齊唱「喜歡你」同自拍嘅一張相片。而令大家痛心嘅係竟然家強你「背棄了理想」同一班烏合之眾一齊!唔通你已經忘記咗自己嘅理想?定係你在唔係以前我哋認識嘅「黃家強」?

「回應」

其實家強今日回應好過回應!「我愛我的家,我愛香港。我的堅持會繼續堅持,我從來沒放棄過音樂這個理想。老闆邀請我出席一個私人宴會作演出嘉賓,我用一個專業歌手態度去出席,我付出了專業歌手應有的責任,做好我的表演,唱好我的歌。」問題係,邊個係佢老闆?老闆邀請就一定要出席?好多歌手都會被邀請去某啲活動,但係人哋都會拒絕或者辭退演出。係你無放棄過音樂,但係放棄咗原則!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]