交流完


個人分享
Tagged With: , , , , , , , , , ,

「問題」

剛剛去完台灣交流完,可以感受到大家嘅問題其實差唔多,大家都係搵緊出路。傳統媒體面對新媒體嘅問題,創業嘅公司大部份都欠缺營銷同推廣能力,而數據好似仲未係好普遍。其實我覺得各有各嘅優勢,各有各嘅問題,真係你睇我好我睇你好。但係其實大家係可以互補不足,加強交流同合作,或者可以擦出唔同嘅火花同機會。希望經過今次台灣之旅可以有一啲新嘅方向。

「創業」

今次係台灣認識到一班創業人士,而大家都有討論香港同台灣嘅問題。而其中一個共同點係視野嘅問題,因為好多人淨係睇本地市場。最深刻嘅一句就係「Either Go Global or Die Local」,因為好多香港人都係淨係睇香港嘅市場同中國嘅市場而忘記咗亞洲市場,甚至乎國際市場。香港係一個國際大都會,其實應該利用嚟個優勢,而唔係淨係靠中國市場!

「知識」

我諗係香港好少機會有傳媒嘅朋友會出嚟講佢哋點樣運作,點樣先會報導,點樣先吸引佢哋。我其實一路都有嚟個謎,因為香港除咗你識得佢哋之外,真係要靠公關公司嘅朋友先知道佢哋點運作。至於網上媒體,同香港有少少唔同,大家嘅定位唔係太一樣,不過都係依靠社交媒體做推廣。至於公關層面我真係最唔在行,雖然大約知道佢哋嘅運作但係今次真係深入了解更多嘅學問。真係機會難得!


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]