不一樣

「台灣」

雖然今次去台北係時間上唔可以話充裕,甚至可以話少少趕,但係已經足夠感受到當地嘅文化同香港嘅分別,真係無得比。今次嘅行程亦再一次證明讀萬卷書不如行萬里路!今次去台灣其實係去出席一個台灣朋友舉辦嘅新媒體嘅論壇,亦希望透過今次機會去認識同了解多啲台灣嘅市場。係每個講者分享嘅內容都學到唔同嘅嘢,尤其係台灣媒體嘅營運模式,不過大家討論嘅其實同香港好接近。

「感受」

今次嘅極速台北之旅,其實仲未係好深入了解佢哋。不過短短一日所遇到嘅人同論壇嘅每一位講者都係一個新嘅經驗,有時不定時嘅交流真係穫益良多!雖然自己都有台灣嘅朋友,但係工作方面除咗以前嘅工作要合作之外,今次應該係第一次。同香港一般嘅活動有啲唔同,大家嘅分享都唔係淨係停留喺表面理論層面,而係用好多實例,好多行業運作嘅模式,毫無保留咁分享知識。

「回顧」

香港同台灣嘅媒體其實好相似,大部分讀者都係希望睇到一啲嘅負面報導,另外亦討論香港同台灣嘅問題,包括發展同創業嘅範疇。而係營運社交媒體,大致上嘅策略都係好相似。如果你覺得係香港做市場推廣太耐嘅話而覺得需要啲衝擊,真係不妨去台灣參加當地嘅活動。自己學到嘅除咗同傳媒有關之外,就係創業模式同思想上嘅差別。總括嚟講,今次嘅旅程只係一個開始,希望遲啲可以有多啲機會嚟交流。


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]