去台北


個人分享
Tagged With: , , , , , , , , ,

「公幹」

自己搞公司咁耐以嚟,今次真係第一次離開香港工作,而且係第一次離開個仔兩日。出發之前當然要安頓好老婆同個仔,事關表面上好似唔擔心,但係就擔心個仔嚟兩日唔聽話,搞到老婆一頭煙。而且過去個幾個月老婆都未試過自己一個人帶個仔出街,所以擔心佢攪唔攪得掂。不過我相信以我老婆咁醒目就應該無問題嘅。真係唔好淨係話啲媽媽掛住個仔,我都好掛住佢!

「台北」

今次係我第一次去台北,對於好多人嚟講一定好驚訝。台北喎,你未去過?你認真架?唔好意思,係!我真係認真未去過台北!雖然我以前係座飛機多過係屋企,但係就唔知點嘅係無去過台灣。之前都係同老婆去台中自駕遊先至第一次踏足台灣嚟個地方。所以今次真係有少少大鄉里出城。不過因為唔捨得同掛住個仔同擔心老婆,所以撇除坐飛機嘅時間,係台北應該得一日多啲啲。

「探路」

今次去台灣都係想睇下果邊有無嘢可以發展,所以希望今次可以了解多啲同襯嚟個機會去探探路,認識下當地嘅朋友。其次就係有位台灣朋友舉辦咗個活動,而今次係同佢第一次合作搞活動。雖然從來都未真係見過面,但係佢一直好幫手,今次終於可以面對面坐低長談。雖然唔知之後有冇機會發展台灣個市場,但係最少今次希望睇下環境。無論係點都係一個好好嘅經驗。


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]