廿三條


個人分享
Tagged With: , , , , , , , , ,

「反對」

網絡廿三條再一次靜雞雞咁係下個星期三恢複二讀,如果你唔知係乜,其實係一條好野蠻嘅條例。雖然係話保障版權而作出修改,但係試問以後有好多嘢都無辦法做,包括好多我哋所謂嘅二次創作。咁樣其實係扼殺好多嘅言論自由,如果通過咗嘅話,林海峰同一百毛嘅惡搞或者改歌詞都有機會觸犯條例。就算話草案設有豁免範圍,但係咁乜嘢係公平先?邊個定義先?

「模糊」

其實呢條所謂嘅網絡廿三條,我諗大家真係要執著嘅係啲好模糊嘅字眼。乜嘢叫做認真翻唱就係侵權,乜嘢係舊曲新詞就睇情況,乜嘢係翻攝遊戲畫面都係睇情況?咁多嘢咁模糊,真係唔知幾時會觸犯法例,你話公平,到時唔公平點先。睇情況?咩嘢情況先?咁人哋係公開場合唱歌表演可唔可以算係認真翻唱?當然保障版權係需要,但係條例就應該要有清晰嘅定義,含糊不清唔同次次都要等法庭有案例咩?

「刑事」

由於呢條新例係有機會觸犯刑事罪行,而且所謂嘅豁免條款真係好含糊不清,有啲話可以豁免,有啲話要睇情況。而且條新條文真係影響好深遠,但係其實有好多人仲未知道發生乜嘢事。如果個以為政府話有豁免就可以安然無恙嘅話就真係大錯特錯,真係踩咗落個氹你都唔知。而最好解決嘅方法就係引入外國嘅公平使用條款同重新考慮加入個人用戶衍生內容嘅條例,保障二次創作!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]