給孩子

「父母」

其實做人父母真係甚艱難,當然作為父母就梗係想俾最好嘅生活條件佢哋。不論係由起居飲食,甚至乎供書教學都係一樣。有時甚至乎希望佢哋生活比我哋更好!但係好多時亦因為基於父母嘅愛同期望,將本來係一件好正常同理所當然嘅事慢慢變咗一件影響子女一生而且無可挽救嘅事。本來想佢哋好,點知其實害咗佢哋。咁乜嘢係最好?其實每個家長嘅定義唔同。

「成長」

孩子其實需要啲乜?其實應該係父母嘅愛!而愛唔係淨係物資上面,而係你所付出嘅心機同時間。每日同佢互動,聆聽佢哋嘅需要,再給予適當嘅支持。最少我係咁諗,因為過多會令小朋友失去獨立自主嘅能力,而過少就影響將來同小朋友嘅關係。當然每個社會都有一套價值觀,但係今時今日嘅香港就相當之扭曲。咁究竟係邊個嘅錯?其實係我哋嘅錯,因為係我哋蹤容呢種價值觀!

「發展」

要孩子得到一個健康嘅成長同發展,其實最緊要係家長要改變自己嘅思維。唔係人哋係咁,自己就係咁。好嘅教育唔係淨係死背書,學發展除咗係書本上可以學到之外,其實係唔同嘅環境都可以學到唔同嘅知識。正所謂學有時,玩有時,食有時,休有時。最緊要就係子女自己嘅興趣,而給予適當嘅支持。緊張自己嘅子女係好正常,但係如果過分干預就有可能有反效果。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]