新界東

「概況」

嘩,終於搞掂所有地區,今日到新界東。嚟個有係另一個好頭痛嘅地區,亦係好多人有興趣嘅地區。首先睇返啲基本資料,選區數目有102個,參選人有243個,平均2.38個人競爭1個議席係全港最高。今次投票率係38.48%,合共372,926張選票。建制派票數比民主派多18.8%,而選票比例係1.2:1。平均每個選區重奪議席嘅話,民主派平均需要1,274標。民主派係新界東有37.25%議席,而建制派嗰56.86%議席入面有24%係自動當選!

「分析」

『北區』
1:建制派同民主派得票差距有接近30%。而且有多個地區都係建制派玩晒。
2:祥華雖然係民主派當選,但係因為有內訌嘅出現所以贏得13%。
3:有超過四份之一嘅選區係毫無競爭下建制派自動取得議席。
4:天平東係罕見有建制派內訌而損失議席。(建制 2,170:1,726 民主)
5:天平西又係因為民主派係同一個選區爭票所以有冇咗一席。(建制 2,219:2,242 民主)

『大埔』
1:係嚟個區有三個議席係自動當選,四個議席無民主派參選。
2:只有頌汀嚟個區,民主派同建制派嘅差距最細,只有3.77%。
3:除此之外,另外兩派都好平均,並見唔到有界標嘅現象。
4:整體民主派得票比起相同議席嘅地區為多。
5:兩派所派出嘅參選人同當選嘅比例相若,大約一半一半。

『西貢』
1:西貢區係全香港民主派得票同建制派得票嘅差距最少,得2.68%
2:雖然好多席位由無黨派人士奪得,但係有幾個當選人應該偏向民主派。
3:全香港最多獨立候選人嘅地區係西貢區,接近20%。
4:有兩個選區可以留意一個係富藍,另一個係景林。兩者差距係4.26%同5.94%
5:除咗獨立人士嘅選區之外,民主派同建制派嘅差距接近45%。

『沙田』
1:全香港嘅目光都放咗係沙田區,事關有38個議席係全港最多。
2:民主派同建制派喺嚟區平起平坐,大家所得嘅議席都係19席。
3:係嚟區建制派係好幾個地區都派出多個一個候選人,意圖好明顯係要淡化民主派嘅選票。
4:而係廣源,穗禾,雲城就因為民主派有矛盾導致分散票源,如果廣源就可以輕易取得議席。
5:除咗有4席自動當選之外,其實民主派係可以話主導沙田區。

「總結」

新界東係全港最大嘅選區,而沙田區係最大嘅票倉,所以係建制派同民主派必爭之地。而好明顯建制派想分散票源,所以係沙田區會派出多過一位候選人。但係嚟個情況係其他新界東嘅選區唔係咁明顯。而且新界東,民主派好明顯有優勢,原因係喺最多選票嘅地區兩者嘅差距只有9.05%。整體上就算建制派用多咗資源係沙田區但係亦無影響佢哋嘅資源分配,因為到最後雖然當選議席比例比其他地區少,但係仍然取得多過50%嘅議席。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]