新界西

「概況」

終於搞到去全香港最大嘅選區,九龍西!真係人都癲,淨係選區都已經有五個。好啦唔好講咁多,睇番啲基本資料,選區數目有121個,參選人有282個,平均2.33個人競爭1個議席。今次投票率係39.34%,合共405,868張選票。建制派票數比民主派多21%,而選票比例係1.51:1。平均每個選區重奪議席嘅話,民主派平均需要956標。民主派係九龍西有26%議席,而建制派嗰72%議席入面有23%係自動當選!

「分析」

『荃灣』
1:無可厚非,傳統選區。再次證明建制派主導嚟啲老區,但係竟然有一席位俾無黨派嘅獨立人士當選。
2:嚟個區黃大仙嘅情況差唔多,落選差距好高,平均每個落選選區嘅差距有成 46.21%。
3:唯一可以留意嘅係以下兩個選區,汀深同綠楊。因為差距大約10%左右。
4:建制派亦都有兩個選區嘅差距少過10%,荃灣中心同荃灣郊區,所以有機會係被攻擊嘅地方。
5:建制派再一次係傳統老區穩佔主導嘅地位,41個參選人,21個係建制派,而同時贏得13個議席!

『屯門』
1:咁多區入面有最多俾無黨派嘅人士參選區,雖然對兩派影響唔大不過有幾個都單挑建制派。
2:係屯門區,落選嘅民主派候選人其實比建制派好,少建制派355票(建制 1202:846 民主)
3:超過70%嘅議席落入建制派手中。而山景,悅湖,兆康民主派嘅落選相差少過20%。
4:有2個區民主派其實唔係贏好多,安定同友愛北都唔到10%。之後要注意
5:係樂翠區,其實唔係贏唔到,只係因為民主派又係無協調好,先會流失席位。

『元朗』
1:當然係建制派嘅地頭,有超過80%嘅議席。與此同時1/3嘅席位係自動當選!
2:淨係睇數據就知道個權力範圍。其實真係有少少誇張!
3:所有民主派落選嘅地方平均差距有成40%,而且投放元朗區資源應該最細。
4:因為嚟區無黨派人士全軍覆沒,所以平均落選票數差距最大,而民主派相對少過建制派就係呢個原因。
5:元朗區嘅投票率係全區甚至全港最低,得32.44%。

『葵青』
1:終於係新界西見到有一區民主派有多啲嘅席位,有35%嘅議席!
2:有幾個選區有內訌嘅問題,不過就算無,建制或者民主派都唔夠票去當選。
3:有兩個選區民主派差距比較細,分別係石蔭嘅1.86%同安灝嘅11.72%。
4:葵青區係新界西入面民主派同建制派得到嘅選票差距相對比較細,得7.46%。
5:係新界西入面葵青區選票係最高,而傳統地區都仲係以建制派居多!

『離島』
1:全香港最少議席嘅選區,得10席所以唔係太多數據。
2:大部份選區嘅選票比較分明。好明顯各黨派好少關心細區
3:議席都係自己人打自己人或者無黨派人士挑戰。所以真係冇乜嘢好研究。
4:唯一一個地區建制派同民主派對壘嘅只有東涌南,而差距比較細,大約10%左右。
5:雖然離島區好似灣仔但係就有好大分別。一個風平浪靜,一個就比較激烈。

「總結」

整體新界西係一個比較混亂嘅選區,選票最多但係各區嘅策略明顯唔同。總括嚟講,兩黨得票率比例相差最遠嘅地區。當然另外一個問題就係區份大,選民多,自動當選嘅議席更多。同其他地區一樣,建制派又係好有策略咁投放資源,有啲更係匪夷所思咁無人挑戰,背後原因大家都知,所以數據明顯地顯現出嚟。所以點解新界西係一篇紅係有佢嘅原因。不過建制派一般都會投放高於議席嘅人去參選!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]