公開數

「收集」

每次當有選舉嘅時候,都會產生大量嘅數據。而要有效咁做分析唔係一件簡單嘅事,何況要用嚟部署下一次嘅選舉?首當其衝嘅當然係政府究竟開放幾多數據,同時啲數據有幾齊整。香港仲未係一個開放數據嘅地方,所以有好多數據係好零零碎碎,甚至乎已經處理咗嘅數據。與此同時就算有數據,係格式上面都未必可以好快導出再加以整合嚟做更深層次嘅分析。所以收集同發放數據都同樣重要!

「數據」

今次係第一次認認真真咁搵選舉嘅數據嚟做分析,唔知大家會唔會有興趣深入了解全港十八區嘅選舉實況。當然係講緊數據層面啦,因為其他啲政治策略我就真係唔識。不過要做晒咁多區嘅分析真係好嘥時間,因為香港啲公開數據真係做得好差,而大部分嘅時間會浪費係整理同整合數據方面。雖然知道同預咗啲數據有問題,但係其實有好多資料都唔齊全!

「分析」

要做好選舉嘅分析,除咗已知道每個選區嘅登記選民之外,當然係投票率同各候選人嘅得票率。雖然而家嘅數據唔係好齊整,但係都已經足夠做某啲分析。如果可以嘅話當然係要將而家嘅數據整合,而且每個選區重要細分登記選民同投票選民嘅數字。如果可以加上男女,年齡,收入同職業嘅話,我相信可以再加強分析嘅效果。無奈依家嚟啲數據仲未有公開。就算公開都要時間去整合。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]