投票後


個人分享
Tagged With: , , , , , , , , ,

「選舉」

今次嘅區議會選舉已經完結,不過就察覺到所謂嘅「假獨立真建制」嘅策略。真係卑鄙到無倫!我以為自己思覺失調,好彩唔係淨係我個選區有咁嘅問題。所以唔好咁容易俾人蒙騙,要上網睇清睇楚!當然大家都希望可以滅鼠,殺鯨,斬樹。雖然踢走咗鍾樹根,但係梁美芬同李慧琼仍然未出局。所以出年大家要加倍努力,做應做的,投應投的,等我哋可以將最好嘅嘢留俾下一代!

「結果」

當然好多人到最後只係會睇選舉最後嘅結果,而我梗係就係從數據方面去睇今次嘅結果啦,不過要做深入嘅分析要少少時間。除咗自動當選嘅選區,其實已經足夠反映香港大部份人嘅取態,好多地區已經出現咗民意逆轉。雖然大部份嘅地區仲係建制派嘅勢力入面,但係留心睇下就知道,好多地區其實唔係差太遠就可以係建制派手上攞到個議席。期望大家槍口一致唔好內耗,之後立法會選舉再決高下!

「分析」

如果淨係睇數據,好明顯今次未必完全可以反映到實質嘅情況。其實要睇,我覺得要睇第二得票高嘅候選人同實際差距。而且唔好忘記之後幾年會有越嚟越多後生仔將會成為合資格嘅選民,而任何選舉再唔係好似以前咁靠上一代嘅選民就得。好明顯中產嘅選區求變心強,相信之後嘅選舉唔係咁容易預測。不過有一樣嘢一定會發生嘅就係傳統黨派會被其他細黨派或者無黨派嘅人士代替。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]