滴晒汗

「創科」

今日「創新及科技局」終於成立,但係希望嚟個局真係做返啲實事。當然好多人反對開嚟個局,其實明白大家嘅憂慮同原因,但係依家香港嘅科技發展真係停滯不前。香港係唔係無能力?其實唔係,只不過首先要大家尊重科技人才,尊重創新科技嚟行業。因為好多人覺得資訊科技無前途,搵唔到食,依家業界嘅斷層就好似建造業咁。希望業界做好監察嘅角色同希望嚟個局唔好一意孤行,浪費資源!

「局長」

雖然我係支持香港應該有一個「創新及科技局」但係聽完「楊偉雄」嚟個新局長講嘅嘢就真係滴晒汗。綜合佢所講嘅嘢,我淨係聽到錢錢錢!乜嘢叫做點條路比香港人搵錢?創業同投資一定賺錢?我其實聽完佢同梁振英講完嗰堆嘢之後,真係得一個感覺就係你係到講緊啲乜嘢!之前都講過,成立個局係有需要,但係邊個係局長先至係關鍵。雖然大家都預咗楊偉雄會係局長,但係佢嘅言論真係滴汗!

「發展」

當然講就係無用嘅,局長列出咗九大項嘅重點工作,但係第九個大家都好似聽唔明。我都聽咗幾次都係唔知講乜,但係我最關心嘅都係睇下點樣加強數據應用同發展。希望可以有機會參與同數據有關嘅政策發展同諮詢!

【一】推行香港與世界最頂尖科研機構合作機會。
【二】推動智能生產,研究開拓可以香港為基地的工業。
【三】鼓勵私營機構投資創新科技,開設初創企業。
【四】研究智能城市。
【五】改善通訊科技,建立「連通無線網絡城市」,開放數據予大眾應用。
【六】以創新科技解決社會問題,包括服務長者及弱勢社群。
【七】向外推廣本地創科產品。
【八】建立人才庫,鼓勵青年人加入創科行業。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]