港隊勁

「大戰」

無論你係唔係熱愛足球,甚至乎你對足球毫無興趣,但係只要你係香港人嘅話,相信你琴晚都會支持香港足球隊。雖然再一次面對中國國家隊,係世界排名同實力上好似有啲距離,賽前更有好多人覺得香港隊會輸。但係經過上輪嘅比賽,其實已經證明咗香港隊係有一定嘅實力。而且今次返到嚟香港主場,當然氣勢就更加唔同啦。雖然係世界盃外圍賽,但係大家都希望香港可以有機會出線!

「球迷」

雖然場比賽最後係和波,但係今場對中國隊嘅比賽,香港隊再唔淨係死守就算,有好多次其實係由機會入到波。最開心嘅係除咗港隊力保不失之外,就係一班超級可愛嘅球迷!佢哋真係創意無限,你話唔俾噓國歌咩,咁佢哋咪印出嚟囉,真係話之你!而且我相信不論係場外定係場內嘅香港人都係一條心咁支持港隊!贏唔贏波唔係重點,而係香港始終係香港,廣東話粗口係香港嘅特色!

「特首」

除咗港隊之外,另一個焦點就落咗係我哋所謂嘅嗰位特首。佢竟然講得出係馬尼拉上唔到網,睇唔到個比賽!不過轉過頭財爺就上載咗佢係馬尼拉睇直播。咪玩啦!今時今日嘅科技我相信你係太空都應該睇到直播。我真係相信梁特首一定唔係香港人,就連講句支持香港隊都無,係唔係怕得罪阿爺?真係有無搞錯,仲話係香港嘅特首。正如沈旭暉所講「那些連撐港隊也不敢的人,不如不做香港人算了」。


Also published on Medium.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.