數據學

「形態」

經常性有人問數據分析可以點樣開始,其實真係唔好諗得太複雜。因為你每人都已經面對好多好多數據,可以話係由你一出世開始已經每日不斷咁接觸緊佢。數據本身係無色無味無臭,而數據係一啲事同物嘅紀錄,所以如果一開始無記錄低你就會無數據。而且當任何事同物係一個淨止嘅狀態,數據係唔會有變化。最簡單嘅例子就係你好緊張嘅銀行戶口,如果無人入錢,無人攞錢,咁又點會有變化呢?

「分析」

好多人將數據分析簡單複雜化,原因係在於現今社會實在有太多不同種類嘅數據,要整合同搵出有用嘅數據就越嚟越複雜同越嚟越難。其實點解會叫啲人做數據科學家?好簡單,因為要知道點樣收集樣本,然後進行一係列嘅分析,到搵出問題同解決方案,其實就好似科學家咁去解決同發掘新嘅事同物。只不過你仲要有其他嘅知識,因此係唔係叫科學家?我其實唔係太認同。

「才能」

做數據分析係需要有冒死嘅精神,要博學多材先至可以做好嚟份工作。好多人以為數學叻就得,但係而家嘅數據唔係淨係數學叻就可以。因為唔識寫程式同運用唔同嘅技術,基本上係現今海量嘅數據入面係無辦法去拆解入面隱藏嘅信息。而且好多時要不斷重複又重複咁做測試,要先搵到缺口然後先考慮利用科技去加快數據整合嘅速度,咁先至係長遠策略。不過要搵一個超人係好困難嘅事

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]