換頭像

「廉價」

每個人嘅價值觀都有唔同!乜嘢叫做廉價表態,乜表態有分貴定平?我真係唔知,因為對我嚟講表態係對一啲事同物嘅睇法。咁點為之廉價?我出文章係記錄自己今日嘅念法,對我嚟講係無價!正所謂不喜勿入,你可以選擇去睇同唔睇。有時大家都只係想多啲人知道同關注事件,可必要用價值去評論事件呢?希望大家唔好只係為咗自己嘅睇法唔同而去否定別人嘅價值觀!事關大家都係嚟個社會嘅人,大家都係平等!

「頭像」

而家啲人真係乜都可以講一餐同鬧一餐,就連係社交網站換個頭像都俾人講一餐。首先今次法國巴黎嘅恐怖襲擊所做成嘅傷亡係一種殘暴嘅行為,而大家只可以換個頭像同寫吓文去講出自己嘅感受。就係因為大家知道自己可以做嘅嘢唔多,而換頭像只係代表關心,關注同支持。講到尾大家都係反對任何暴力,對恐怖襲擊嘅遣責。偽唔偽善真係唔太重要,因為大家有不同嘅睇法。

「問題」

其實而家啲人有乜嘢問題?我覺得只可以話係膚淺。如果恐怖襲擊係香港發生你會點?如果戰爭嘅地方係香港你又會點?唔通你同我講,到時中國政府會派軍隊嚟幫手,但係咁又點?所以有時唔係話表唔表態嘅問題,就算你發表又點,唔發表又點?嚟個係每個人嘅自由,路不同不相為謀。而家連改個頭像都演變成一場網上罵戰,真係諗唔明。真係無人迫你表態,你唔認同咁咪算囉!

(Visited 54 times, 1 visits today)