畢業相


個人分享
Tagged With: , , , , , , , , ,

「學生」

今個星期應該係大學生畢業嘅大日子,因為見到好多自己嘅學生都係社交平台度邀請朋友去參加自己嘅畢業典禮。對於嚟班後生仔女嚟講係人生一個階段嘅終結,亦係人生嘅另外一個開端。當然大部份嘅畢業生都應該搵到畢業後嘅第一份工而且有啲應該已經返咗工。其實以前大家覺得讀書返學好辛苦,點知出咗嚟做嘢之後先知道,學校生涯其實係好開心,相比起嚟個社會大學真係差好遠!

「畢業」

你畢業過幾多次?影過幾多次畢業相?我自己最有印象應該係中學嗰年,因為好似完成一個好重要嘅里程碑。只不過我無選擇同其他人一樣嘅路,就係讀完大學先至出嚟社會做嘢。所以我無咗大學嗰幾年嘅生活,咁又點會有大學嘅畢業相呢?我都係直至幾年前先至去讀返個學位返嚟,所以我嘅大學畢業相係遲咗十幾年。不過唔緊要,因為嗰次係同老婆一齊畢業,所以個意義唔單止係攞返張沙紙咁簡單!

「恩惠」

為人師表最開心嘅就係見到學生畢業!除此之外就係見到佢哋係事業上有好嘅發展。所以每年見到佢哋開開心心咁畢業,之後係工作上亦都係唔同場合見到佢哋,真係好開心。希望佢哋真係可以將我係堂入面所教佢哋嘅嘢可以學以致用。雖然大家畢咗業,但係就開始去另一間大學繼續進修,而嚟間大學係讀一世,所以點讀都唔會畢業。祝各位畢業生有一個美好嘅前程,繼續努力!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]