用數據

「數據」

雖然依家個個都話要行數據,但係其實好多公司都係得個講字,因為到最後都係同你講無錢又或者公司架構問題甚至乎同你講無人識做數據分析。當然要改革係需要一個比較長嘅時間,少則一年半載,大則三五七年。邊樹有可能話改就改,仲有真係唔使錢嘅咩。咁容易嘅話個個都做咗啦,所以其實話就話想行數據,但係好多都唔半知半解,行啲唔行啲,搞到一鑊粥!

「問題」

其實唔多唔係第一次講,依家做數據分析其實唔係技術問題,亦唔係產品問題。最大嘅問題係人才問題!因為到就算個產品嘅自動化都好,市場係不斷改變。而數據亦因為環境而改變。所以就算今日比你搵到好有用嘅數據,但係過一排之後,嚟啲數據就慢慢流失佢原本嘅價值,所以你需要人才去不斷發掘更多嘅訊息。講到尾,科技同產品只係幫你加快整理數據,但係唔會加快分析。

「產品」

你有無搭過飛機?你有無住過酒店?你有無上網訂機票同酒店?咁如果有,你用邊間公司?其實你係邊樹訂機票同酒店,到最後咪又係個班飛機,個間航空公司,個間酒店。咁嗰啲訂機票酒店嘅網站點賺錢?佢哋其實全部都係行緊數據,利用數據去營運公司。所以佢哋最大分別唔係產品,而係點樣利用數據去營運公司。當然有時係要平衡下,但係依家香港有邊間公司真係行緊數據?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]