舊照片


個人分享
Tagged With: , , , , , , , , ,

「舊相」

大家唔知有無得閒無事攞返細個啲相出嚟睇。通常會做呢樣嘢得幾個情況下先至會發生。第一個情況就當然係將間屋或者自己間房進行大掃除,多以先將以前啲相攞返出嚟。第二個情況就係當大家要結婚,所以被逼搵番細個時候嘅相整成長片段。第三個情況就係同你生咗小朋友,你會拎返細個啲相出嚟睇,然之後對比下自己細個同佢有乜分別。咁唔知大家又會幾時攞返啲細路仔相出嚟睇呢?

「回憶」

無啦啦有個小學同學拎咗張二十幾年前嘅相出嚟,之後成班小學同學個個都走出嚟討論將相。最好笑嘅係啲相係我影嘅,所以全部都無我份係入面。但係睇返以前大家細個啲樣,其實唔知係唔係都係男仔,個個啲樣都係無變過,只不過好多依家都已經成家立室同有咗小朋友。當然睇返啲相真係幾好笑,個陣時真係好開心同超低能,希望有日大家可以一齊出嚟聚下舊!

「保存」

以前我哋影相係要用菲林,而家個個就係用數碼相機,甚至乎一部電話就搞掂咗。不過講真啲數碼相擺咗上網同放咗入部電腦背份好之後,大家幾時會開返出嚟睇呢?有時睇下一張又一張嘅舊相,真係撩起好多美好嘅回憶。好多時我嫲嫲會講,你哋依家影咁多相,但係我都睇唔到。你哋要曬相比我先得㗎嘛!有時諗下又係喎,佢哋當然係想拎住啲相簿睇,邊樹似得我哋咁一人一部電話。就算有都唔識用啦!

(Visited 53 times, 1 visits today)