最安慰


個人分享
Tagged With: , , , , , , , , ,

「世事」

人生有乜嘢事情係會令你覺得最安慰?讀書畢業?搵到份好工?同另一半結婚?買咗架車?買咗間安樂窩?相信每個人嘅定義都會有少少唔同。但係做咗人哋嘅父母,好多嘢都唔同晒。唔知各位新手父母有無同一個感覺,就係子女健健康康咁嚟到嚟個世界,健健康康咁長大成人,咁你就會覺得好欣慰。因為好多嘢都唔係必然,尤其係新生命嘅誕生同成長。

「安慰」

做咗人哋父母最安慰就係見到自己個仔瞓得食得,日日一起身就對住你笑,又要求就會爆喊,而嚟種就係佢對我哋嘅信任同依賴。相信係每個父母心裡面都會覺得好欣慰。每當自己個仔係自己嘅懷抱好安詳咁瞓著,心裡面都會不自覺咁笑一笑。雖然好似無咗好多私人時間,但係只要見到佢健康成長,真係乜都值得。所以好多人講,就算生活幾艱難都好,有小朋友真係萬事足!

「希望」

所有父母都希望將最好嘅嘢俾自己嘅下一代,而好多時因為我哋生活係一個和平同富裕嘅社會,慢慢好多父母變得怪獸,而個社會就越嚟越傾斜。所以我希望見到自己個仔係一個開心快樂嘅環境成長,此外就係希望佢身體健康,因為健康先至係一齊。我真係唔洗佢飛黃騰達,只要佢開心咁我已經好安慰。所以話做咗人嘅父母真係好容易滿足!你話係唔係?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]