搵贊助


個人分享
Tagged With: , , , , , , , , ,

「著數」

我相信搵著數係香港人嘅特質,好似個個天生都有嚟種技能。當然其實大家都係想慳錢所以有任何著數都唔會放過。但係好多時邊會有咁大隻蛤乸隨街跳,有啲著數都係要先付出。其實好多行業都唔知點嘅俾人覺得可以好容易佔便宜,講到尾係商業社會都係你情我願,如果同人哋傾贊助,當然希望係互惠互利而唔係淨係搵著數啦。就算到最後大家覺得唔可行,咁咪算囉,但係應該尊重人哋個職業!

「贊助」

估唔到嚟單媽媽搵人贊助影相竟然推咗上報。其實今朝先睇到個一位攝影師講呢件事,估唔到一日都未夠就上咗報紙。今次都唔係第一次出現過嚟啲嘢,但係通常會免費幫手嘅一係就朋友,一係就當做宣傳。但係相信今次呢位攝影師唔使靠免費幫人影相先至有生意。更何況贊助都分好多種,真係你情我願。一買一賣真係好正常,唔啱嘅話咪算囉,但係都要尊重人哋嘅決定同專業。

「心態」

其實依家科技發達,真係閒閒地都幾十個媽媽谷。反而如果搵贊助,倒不如團購仲好。事關真係真金白銀,最多都係打個折頭俾大家。真係唔知依家啲人乜嘢心態,有時啲嘢唔係奉旨㗎嘛!就算有時我哋搞免費活動,當然係為咗宣傳,但係好多人就覺得你嚟樣做得唔好個樣做得唔好。老實講,你係無貢獻嘅情況下可以有啲乜嘢期望?人哋要付出自己嘅時間同知識,仲要比啲攞著數嘅人批評。咁係乜嘢心態呢?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]