合理化

「合理」

依家個社會真係好奇怪,點解可以咁得意?竟然將一啲本來合理化嘅嘢不合理化,但係有時就將不合理化嘅嘢合理化,真係有時以為自己精神錯亂。究竟依家香港嚟個係乜嘢嘅社會?我哋嘅價值觀係啲乜?我哋一路長大所學嘅同認知嘅觀念同價值係嚟幾年好似突然消失咗。咁其實係世界變咗定係社會變咗?定係其實係人嘅本質變咗?咁究竟乜嘢先至係合情合理,甚至乎合法?

「侮辱」

我相信大家都會認同出言侮辱任何人甚至乎人身攻擊都唔係社會認同或者接受嘅行為。但係作為執法部門竟然用「先撩者賤,打死無怨」去將事情合理化。講真如果佢哋係用嚟種思維,其實真係有啲恐怖,因為同一個攞正牌嘅爛仔係無分別。正所謂「知法犯法」,乜唔係「罪加一等」咩?警察嘅形象好難得係以前貪污嘅黑暗年代走出嚟,依家自己竟然將辛苦建立嘅形象再一次毀於一旦。

「思想」

我諗好多人開始為自己同下一代諗,我哋應該點樣教育我哋嘅下一代呢?乜嘢係合理,乜嘢係歪理?黑白是非究竟係乜?好多我哋以為係正確嘅價值觀,究竟係現今嘅社會真係唔係正確?定係因為香港依家個社會扭曲?講真好多人都會開始懷疑香港仲係唔係一個適合居住嘅地方,因為社會嘅價值開始同自己嘅價值越嚟越唔同。講到底,大家都唔希望自己嘅屋企越變越差!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]