三個月


個人分享
Tagged With: , , , , , , , ,

「開心」

做人父母最開心嘅係啲乜?未就係見住佢開開心心咁成長。其他嘢都已經好似唔係咁重要,因為只要睇到佢每日嘅燦爛笑容就已經好欣慰。雖然生活上有好多改變,而係嚟三個月我可以話將全副心機都放咗係屋企。除咗非必要性嘅嘢,當然好多時都係屋企,否則可以等下嘅就等下,遲啲先處理。無嘢緊要個老婆同個仔。當然有好多無形嘅壓力同好多諗法,不過真係要慢慢嚟,事關真係吃不消!

「成長」

唔經唔覺個仔已經出世咗三個月。一日一日咁見到佢成長,雖然真係好忙,因為老婆每日瞓得幾個鐘就一早起身餵奶返工,我之後就全日係屋企照顧佢,餵奶沖涼洗衫。老婆放工佢就接力照顧個仔,而我就準備晚餐同善後,等佢哋兩個瞓咗就繼續做嘢。不過唔緊要,因為覺得自己選擇係啱嘅,就算辛苦啲都係值得!當然照顧個仔同老婆之外,亦都要確保公司嘅客戶得到應有嘅服務水平。

「回望」

依家睇返個仔啱啱出世啲相真係同佢家陣好唔同,所以話細路仔真係大得好快。只係三個月嘅時間,比起見到佢第一面嘅時候,感覺就好似過咗好耐。但係其實只係啱啱三個月,而最記得就係佢兩個月人仔第一次識講自己個名。點都好,作為人哋個老竇當然想比最好嘅嘢佢,而作為人哋個老公就希望同老婆過美好嘅生活,而作為人哋嘅老闆就希望員工同公司嘅發展。咁自己呢?無所謂,開心咪得囉!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]