領導力


個人分享
Tagged With: , , , , , , , , ,

「領導」

其實領導力係啲乜?好多時有人話一個好領袖要有不同嘅能力。而我覺得最重要嘅就係遠景,同要有共同進退嘅精神。如果團隊犯錯,其實係就係領導者嘅錯。當然我都經常犯錯,所以我未必係一個稱職嘅領導者。當然帶領一個團隊唔係一件易事,而要帶領一間公司更加係件難事。要成功帶領一間公司,一定唔可以短視,要有長遠目標,先至可以俾團隊一個目標,共同去實踐。

「管理」

自從離開咗大公司之後好似好耐無管理過一個團隊,好多時都係單打獨鬥。而慢慢自己好似為咗解決每日嘅問題,覺得連領導嘅能力都慢慢倒退。其實領導一間公司同領導一個團隊真係好唔同。因為係大公司你有好多支援,只要你開聲就會有人幫到你。但係當自己營運一間公司,好多嘢雖然都可以搵人幫手,但係要帶領公司就有好顧慮,因為一子錯滿盤皆落索,無得返轉頭。

「成功」

要成為一個成功嘅領導者,除咗自己嘅個人能力之外,團隊嘅能力都一樣好緊要。所以一個好嘅領導者,真係唔係淨係領導咁簡單,仲要善用團隊每一個人嘅長處,了解佢哋嘅短處,同協助佢哋成長。因為當團隊要發展嘅時候,人才係係好重要,而如果事前無培訓自己嘅團隊,到有機會發展嘅時候就辦法係現有嘅團隊提拔新人去勝任新嘅機遇。所以領導力唔單止淨係領導咁簡單!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]