人才荒

「香港」

之前好多人講香港可落後,事實上真係幾落後,因為過去咁多年大家都係為生活而搵錢,做資訊科技嘅機會同出路比起外國真係一個天一個地。十幾年前嘅人工其實到今時今日都係一樣,咁證明企業本身就唔重視嚟類嘅人才,所以無發展嘅空間。要加人工就得一個選擇就係跳嚟跳去,如果唔係好多時經濟唔好,企業第一件事係由資訊科技有關嘅部門開刀。過去咁多年都見唔少。

「人才」

你話香港無人才?其實唔係,只不過佢哋唔會選擇留係香港。大部分有能力嘅其實已經走晒,同時香港係教育方面亦都追唔上外國。大學畢業出嚟,個個基本上要重新教育過,而且唔係個個後生都捱得。以前我哋日以繼夜,夜以繼日咁不斷做,不斷學。但係依家個個都係用打工為兩餐嘅心態去過活。與此同時香港好多公司都唔會大力投資新科技,因為免得做多錯多。所以問題唔係無人才,而係點培訓人才同挽留人才!

「問題」

講到科技當然有好多香港研發嘅產品,但係真係好少數。而且好多人都唔希望做白老鼠,下下等其他公司試咗先,免得孭鑊。再唔係就覺得科技唔值錢,咁點嘅次次有新手機出嘅時候,個個爭住去買?要發展科技係要好多嘢要配合,最基本就係由教育開始。而科技唔係淨係背書就得,要不斷嘗試,不斷學習,今日唔知聽日事,個世界不停咁改變。所以唔係可以一時三刻可以改變嘅嘢。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]