回到邊


個人分享
Tagged With: , , , , , , , , ,

「電影」

唔知依家有幾多小朋友有睇過「回到未來」嚟套電影,一套超級經典嘅作品。而今日就正正係套戲嘅第二部曲講述主角利用時光機穿越時空嚟到二零一五年。係戲入面講述好多以前嘅人對未來嘅科技嘅睇法,而睇返嚟啲科技,有好多科技係現實生活中已經出現咗。雖然有啲科技仲未好似戲入面咁普及,但係亦有不少你睇返係二十幾年前大家諗都冇諗過嘅科技,竟然係二十幾年後面世。

「未來」

未來會係點真係無人知,不過自己好多時會睇返現今嘅科技真係十年前甚至二十年前諗都冇諗過會出現同普及。如果真係知道未來會係點,或者你就無今日嘅人生。所以未來係點唔緊要,最緊要就係活在當下。科技真係日新月異,如果今日問你,再過二十年你會覺得嚟個世界會係點,有乜嘢科技你覺得會出現?我諗或者可以再天馬行空啲,不如去太空旅行?我淨係知到時我已經年屆五六十哈哈!

「有趣」

其實點解咁多嘅電影題材都會講穿越時空?或者我哋真係有一日可以,不過穿越時空個目的係乜?改變過去?定係想知道未來發生咗乜嘢事?其實冇過去就無將來,何必要改變嚟。改變咗過去就代表今日你會好啲?無人可以好肯定咁講。世界上任何事物都係有前因後果,絕對唔會突然無因而生嘅果,亦唔會突然無果而滅嘅因。有因必有果,有果必有因,嚟種係自然規律,係非常科學。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]