強姦案


個人分享
Tagged With: , , , , , , , , ,

「變態」

首先我唔係歧視印度人,因為我都認識好多印度人,所以今日講嘅唔係針對任何宗教或者種族,只不過真係諗唔明點解啲人可以咁變態同咁無人性。如果大家有留意新聞嘅話,不時都會睇到一啲會令人匪夷所思同令人髮指嘅強姦案。雖然世界上每日都有咁嘅案件發生,但係大部份係印度新德里發生嘅都相當變態。好似啲女性俾人侵犯係一件好正常同平常嘅事。

「強暴」

當然世界上有好多人會話每日一到有好多唔同嘅罪行發生。而只不過好多俾人侵犯嘅人無報警甚至乎無傳媒報導,所以大家嘅焦點先至會落係印度嚟個國家。其實你睇清楚個啲報導,基本上可以用禽獸去形容嗰啲人嘅行為。點解?因為好多受害者其實都係一啲小朋友,就好似前兩日咁,係新德里分別有一個兩歲半同五歲嘅小朋友俾人擄走,之後分別被人輪姦,令人髮指!

「印度」

雖然話印度係一個發展中嘅國家,但係如果你用印度同中國比,其實係某啲地方中國反而比印度好。有時當我哋唔明中國嘅文化同觀念嘅時候,其實我更加唔明印度嗰啲。點解啲人可以咁猖狂,真係好似隨時隨地係條街到捉個人返嚟強暴,仲要周圍嘅人係覺得好正常,冇問題。最大鑊嘅就係啲人仲理直氣壯覺得係正常,就連政府都好似蹤容嚟啲暴行嘅發生。