被起訴

「法治」

依家香港真係越嚟越離譜,講乜嘢法治社會,其實又係唔係虛有其表?雨傘運動已經過去咗一整年,而家咁去告人算唔算係秋後算賬呢?仲有我真係唔明乜嘢叫做預約拘捕?如果有人犯咗法,執法部門係要去拘捕違法者,而如果違法者犯咗法,自己去舉報自己,嚟個行為叫做自首。我真係唔知係唔係得香港有嚟樣咁特別嘅方法去預約嗰啲所謂犯咗法嘅人去警局俾人拘捕。

「七警」

其實我諗唔明乜嘢叫做同一日起訴叫做公平,袁國強果然係有病。曾健超俾七警察打,仲要有傳媒影到,即係知法犯法啦!咁係唔係應該嚴重啲呢?一個普通市民俾執法人員毆打竟然同佢涉嫌襲擊警察雙題並論,真係好好笑。咁叫做公平?無啦啦原告變被告,我諗好多電影橋段都會用過,只不過係香港真係出現一個真人真事。真係法理何在!係唔係警權過大?有牌嘅黑社會?

「起訴」

當我睇到曾健超被警察預約拘捕。真係匪夷所思!相信好多人睇到嚟編新聞一定呆咗!口講就話公平,但係而家曾健超被控告襲擊十一名警員同阻礙十五名警務人員執行職務。相反七警就被控一項有意圖導致他人身體受嚴重傷害罪,而其中一人再被控普通襲擊罪。而最好笑嘅地方就係當時曾健超已經獲得警方無條件釋放,而今日警方又今突然重新拘捕曾健超,真係諗都諗唔明!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]