為啲乜


個人分享
Tagged With: , , , , , , , , ,

「人生」

經常啲人都會話做人要努力奮鬥,要俾自己一啲目標,要做個出色同成功嘅人。嚟個相信係絕大部份嘅人嘅價值觀。後生嘅時候就為咗讀書考試,希望將來搵到份好工,賺到多啲錢,之後就可以買車買樓,結婚生仔,可以安享晚年,咁你嘅人生就會好美滿。但係真係咁簡單?當自己靜落嚟嘅時候,好多時都會問自己其實為咗啲乜?好似日復日,年復年,究竟自己追求緊啲乜嘢呢?

「意義」

有時係度問自己,人生究竟係為咗啲乜。相信每個人都有唔同嘅睇法,而係每個人生嘅階段嚟個諗法亦都會隨著歲月而改變。你嘅人生意義係乜?其實我自己開始越嚟越唔知道人嘅一生係為咗啲乜。正如好多時候啲人會講「人生如戲,戲如人生」,「人生如浮雲,一切都係過眼雲煙」。你嚟嘅時候兩手空空,走嘅時候都係兩手空空。一生嘅努力,奮鬥到最後剩低啲乜?我自己都開始答唔到。

「回顧」

好多時都會睇返自己過去個十幾廿年做咗啲乜,有啲自己覺得做得還可以,但係有啲就因為某啲決定以希望再重新做過。當然無人知前面條路有乜嘢等緊你,同時就算你回顧過去有點?以前嘅嘢已經係過去,無得返轉頭。而家只可以繼續向前行,只不過人大咗,諗嘢複雜咗,開始諗自己做緊啲乜,究竟每日做嘅嘢嘅意義係啲乜。其實而家淨係想同老婆兩個湊大個仔,同可以俾到屋企一個溫暖嘅家。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]