無國界

「戰爭」

你同我都或者生活係一個和平同富裕嘅地方,但係唔係個個地方都好似我哋咁,仲有好多人係嚟個世界上每日仲要担驚受怕。除咗偏遠貧窮嘅地方連兩餐溫飽都冇,有啲地方長年累月都要活係戰爭當中。好彩世界上有一班醫生竟然係冒住自己嘅人生安全而去到嚟啲戰爭國家去做義工。佢哋用自己嘅專業去幫助一啲有需要嘅人,而佢哋唔係單單為咗名成利就先至做醫生,反而係去幫助有需要嘅人。

「無私」

當然係好多人嘅眼中,醫生係一個搵好多錢嘅專業,但係點解會有醫生會放棄金錢而去世界嘅唔同地方去做義工。唔通真係有自唔在攞苦嚟辛?當然有啲人會唔明,不過佢哋嘅無私奉獻或者你感受唔到,不過對資源短缺嘅地方嚟講,唔好話醫療設備,分分鐘連醫生都無。試問你自己病咗無醫生睇你會點?雖然世界上有好多唔同嘅非牟利組織但係無國界醫生係一個我覺得值得大家支持嘅機構!

「空襲」

如果你有睇新聞,相信近日都有報導無國界醫生係阿富汗東北部,昆都士嘅創傷中心被轟炸。雖然美國聲稱唔係故意,但係因為今次嘅空襲導致嘅死傷,我相信好多人都會震驚。點解一間醫院都會被轟炸。老實講點可能係炸錯目標又或者係失誤?就算係有恐怖分子咁又點?始終都係一間醫院,重要係一間由無國界提供醫療嘅醫院。所以如果淨係發幾個簡單聲明就可以草草了事嘅話未免太兒戲了!希望可以早日成立獨立調查同強烈譴責有關襲擊!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]