一頭煙


個人分享
Tagged With: , , , , , , , , ,

「公司」

今年公司唔係做得好好,而家真係搞到一頭煙。好多事情越係想處理好就偏係同你背道而行,所以希望快啲回覆原狀,快啲將無謂嘅事快快處理好。最希望嘅係快啲可以搵到合適嘅人同我哋並肩作戰,一齊去開發市場。有時真係覺得自己攬太多嘢上身,就正如以前老闆經常比喻嘅馬騮。自己搵自己笨。不過首先都係要執返晒公司內部嘅運作,以便未來嘅發展。連幾個人都做唔好,之後只會更差!

「屋企」

今日真係忙到出晒煙,基本上除咗緊急嘅嘢要處理之外,真係冇乜時間。今朝好彩老婆係最後關頭都出嚟救我,如果唔係真係冇得瞓,因為做到今朝五點幾都未做完,諗住個仔未咁早起身,所以去眠一眠,點知唔夠半個鐘叫醒咗!之後趁老婆搞個仔嘅時候瞓咗陣,起身之後又預備個仔起身,去健康院打針,返屋企沖涼餵奶,再出去接老婆,買餸煮飯,所以今日咁遲先出文!

「朋友」

基本上我諗都要一段時間先回覆正常生活,或者基本上無正常嚟回事。當然而家首先係處理咗屋企,之後用最快速度處理工作,要等個個瞓晒先可以靜靜地處理其他事情。不過最起碼有個好員工幫手頂住大部份嘢。有時連手機都無時間睇,何況睇下外面發生乜嘢事。所以除咗現時嘅客戶之外,認識嘅人都應該淨係會見到我出文同上載一兩張相。因為真係連去廁所嘅時間都無,所以要諗諗計點樣適應新生活。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]