中秋節


個人分享
Tagged With: , , , , , , , , ,

「中秋」

當然中秋節有好多唔同嘅傳說,係中國神話中就有月兔。而月兔就係月宮陪伴嫦娥搗藥,不過係在日本同韓國,月兔就係月球到整麻糬。所以每年嘅中秋節都會見到好多同兔仔有關嘅產品,包括好多細路仔鍾意玩嘅燈籠!至於嫦娥奔月呢個民間傳說係講嫦娥偷吃仙藥飛上月球,自此同丈夫后羿天地相隔嘅故事。中秋節亦因為嫦娥奔月嚟個民間傳說而嚟。

「做節」

今日係中秋節,當然最緊要就係同屋企人一齊做節啦!其實我好重視中秋節,原因係我係嚟日出世。人大咗反而覺得農曆生日好似重要啲,所以中秋節對我嚟講係有雙重意義。今年比較特別,咁當然唔係淨係第一年同個仔過啦!其實係因為今日亦都係阿仔出世兩個月,所以有三重意義。希望大家係中秋節可以一家人開開心心,團團圓圓!

「燈籠」

我諗好多人細個嘅時候都希望有一個燈籠,而我哋以前玩嘅燈籠都係用紙做,真係一個唔小心就會俾入面支蠟燭燒著咗。不過而家啲燈籠真係款式多多,有好多都係時下最流行嘅卡通人物。當然如果係俾小朋友玩嘅話,用塑膠做嘅燈籠一定會安全啲。不過人大咗反而鍾意傳統嘅紙紮燈籠。等阿仔大啲啦,我一定會買個三眼仔嘅俾佢,相信阿媽就會買叮噹!到時睇下阿仔點揀喇!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]