回顧篇


個人分享
Tagged With: , , , , , , , , ,

「回顧」

寫咗一年嘢都係時候計計數,話晒我始終都係靠數據搵食。如果我話你聽我無收集數據你都唔信啦,所以有時自己都覺得自己變態。無時無刻都數據前,數據後。而要係一個寂寂無名嘅網站,仲要寫啲咁無聊嘅嘢,真係無一年半載嘅數據都唔知點分析。當然有時都要買下廣告,推下人流。同時因為堅持文章嘅格式同出文嘅時間,所以有好多好有用數據作為參考價值。

「數據」

好啦,等我同大家回顧下我個網站同文章嘅數據啦。係過去一年有『五萬三千七百一十』次訪問過網站,有『三萬九千七百零八』個瀏覽器訪問過,而總共睇咗『六萬八千九百八十二』頁,即係平均每次嘅訪問睇『一點二八』頁。雖然平均逗留時間唔係太準確,不過大約每次停留『三十五』秒。最多人睇嘅題材係「時事」,「政治」,「藝人」同「家庭」嘅文章。

「文章」

最多人睇嘅係邊篇文?頭十位嘅係「大爆炸」,「黃子華」,「杜如風」,「鳩嗚呀」,「黑社會」,「港數據」,「港咖啡」,「港大生」「雨感受」,「棟篤笑」。當然入面有啲係有落過廣告,而有啲係無啦。最令我驚喜嘅係「大爆炸」,因為做咗分析咁耐嚟篇文係最奇怪,無啦啦有好多台灣人睇。之後就係「鳩嗚呀」,因為好多人係搜尋器搵到篇文。最後就係「杜如風」,事關竟然俾其他網站轉載過!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]