張保仔


個人分享
Tagged With: , , , , , , , , ,

「張保」

相信近排多咗人講「張保仔」,所以又再一次好奇睇返歷史。原來佢原名係叫「張保」,新會縣江門鎮水南鄉人,而係一八一零年以前係廣東沿海嘅著名華南海盜。當然而家係我哋香港為人熟悉嘅歷史人物。雖然知道佢好勁,但係唔睇歷史都唔知係百幾年前,佢竟然有近三百隻船同多達七萬人跟佢搵食。但係佢雖然係海盜,不過佢唔容許部下係駐紮嘅地區搶掠。而百姓視佢為劫富濟貧嘅俠盜!

「歷史」

真係唔睇返歷史都唔知原來「張保仔」做海盜係因為細個嘅時候俾海盜「鄭一」擄走咗。原本得十五歲嘅佢自此就開始咗佢嘅海盜人生,而根據歷史佢係大約三十幾歲逝世。最利害個位係連葡萄牙嘅文獻都有記載當年係清嘉慶十五年,即係一八一零年,葡萄牙艦隊係大嶼山海面同紅旗派嘅三百多艘武裝船相遇。而張保仔所派出嘅兩支先鋒船隊竟然被澳葡艦隊擊敗,於是親自率領水師駛抵戰場。

「劇集」

雖然未睇第一集,但係網上面已經有好多負面嘅評擊。當然係劇集未播之前吹到咁勁,搞到大家期望太高。不過睇片頭係又好似幾吸引嘅!我諗其中一個期待嘅原因或者係洪永城做張保仔。雖然佢係臨危受命,代替黃浩然,不過你問我嘅話,洪永城似海盜多過黃浩然。不過今次無綫又玩穿越時空,真係悶唔悶啲呀?唔通佢唔怕舊最緊要受?以為係「尋秦記」定係「回到未嫁時」?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]