小丑鐘

「回憶」

如果你係八十後而你細個嘅時候又曾經去過吉之島,你應該記得嗰度有個小丑鐘,而每個鐘頭佢都會報時。當然佢有佢嘅特別之處就係報時嘅時候佢會播音樂,同時個鐘上面嘅小丑就會起身拉動手掣,之後係個鐘入面就有好多唔同嘅精靈走出嚟。亦都因為咁,好多人都會為睇佢而特登嚟康怡廣場嚟間吉之島。而小丑鐘亦陪伴咗我一個好快樂嘅童年,事關我係康怡花園長大,所以經常係嚟緊吉之島!

「懷念」

雖然我已經三十幾歲,吉之島嚟個小丑鐘亦都無辦法好似以前咁正常運作。每次再經過嘅時候,其實都好希望小丑可以在此係睡夢中再一次起身。點解無啦啦會諗起佢?因為最近見到網上面有人放返條片上網,同時亦都有人再次討論佢嘅存在。對於而家嘅細路仔或者有啲恐怖,但係對於我嚟講佢帶俾我嘅童年回憶同快樂唔會因為佢變老而改變。慶幸嘅係小丑過咗二十幾年都仲緊守佢自己嘅崗位,不離不棄!

「希望」

係網上面睇到有個應該係小朋友寫嘅「客戶心聲」話希望將個小丑鐘拆咗佢,原因係話佢好恐怖。其實我想講人老咗個樣都會好恐怖,唔通你又會唔要你身邊個伴侶?我諗好多人都或者同我一樣好想小丑可以再一次起身,再一次俾我哋聽到你嘅美妙音樂同讓精靈再一次起舞。希望吉之島嘅管理層唔好放棄小丑鐘,繼續去搵個鐘嘅零件,或者遲啲可以打印返啲零件出嚟,咁小丑就可以再一次將歡樂帶畀大家!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]