殖民化


個人分享
Tagged With: , , , , , , , , ,

「殖民」

其實我相信無人會覺得香港仲係係一個殖民嘅時代。講真都回歸咗咁多年啦,如果中國政府同香港政府搞得好,搞得掂嘅話,邊度會有人同殖民時期去比較呢?就係個生活環境越嚟越差,個政府越嚟越廢,所以啲香港人先至有比較。唔好話乜啦,最少八十後個班都好清楚邊個國家嘅政府管理得好啲。除非過多五六十年等我哋死哂,咁咪無人提,無人知同無人記得殖民時代囉!

「本土」

講到底,好多國家都曾經做過殖民地,而家其實唔係話要返轉頭,而係見到香港慢慢變成一個大家都唔認識嘅地方!但係點解香港人有咁多人不滿現狀?講到底其實咪又係睇唔到將來囉!其實真係不進則退,而邊個搞成咁?咪又係因為香港政府囉!講真大部份嘅人為咗啲乜?好簡單,就係安居樂業!而依家唔好話安居?個經濟搞成咁,真係可以樂業?香港係香港,同好多地方唔同,就係咁簡單!

「中國」

其實點解香港同中國有咁大嘅深層矛盾?自己都係中國生活咗五年,你問我嘅話最基本嘅答案就係質素問題,除此之外就係暴發戶同一孩政策。最明顯嘅係一啲二三線嘅城市。當然係十三億人裡面一定有啲質素好嘅,不過大部份都出晒國啦!就算係都係個班海龜派,而佢哋好多都已經接受過西方教育,好明顯質素同國內好唔同。所以講到底,其實係人嘅質素,教育水平,思想行為同文化差異!其實數下數下都幾多!

(Visited 72 times, 1 visits today)