九一一


個人分享
Tagged With: , , , , , , , , ,

「歷史」

二零零一年,九月十一日,我相信大家都會記得嚟一日。我諗無人會估計到嚟個世界竟然有人會騎劫飛機,再發動自殺式襲擊。雖然事隔十四年,但係一個又一個震驚全球嘅畫面,我相信無人可以忘記。而自此之後,美國就開始反恐嘅工作,誓死要將阿爾蓋達組織嘅首領,拉登緝拿。雖然經過好多年之後美國終於搵到拉登並因為緝拿嘅時候遭遇反抗而被美軍擊斃。

「恐襲」

仲記得九月十一日嘅朝頭早,當正起身準備返工嘅時候,係電視見到一個難以置信嘅畫面。初頭以為係唔係做緊乜嘢戲,因為見到紐約世界貿易中心著晒火。之後再睇清楚先發現係即時新聞,而當時記者仲話好似有直昇機定飛機撞咗落去大樓到。隔咗一陣,係畫面見到有架飛機再撞向另一座大樓。當時真係難以置信!跟住兩座大樓逐一冧咗落嚟,同仲有幾架飛機被騎劫而墜毀,一幕又一幕嘅畫面真係好難忘記!

「組織」

係度希望死者可以得到安息,但係就算美國將拉登擊斃都唔可以補償當日同反恐咁多年死去嘅性命!雖然事件好似解決咗,但係反而依家恐怖襲擊嘅問題好似仲嚴重咗。唔知係唔係以前仲有一個所謂嘅領袖,最起碼啲恐怖份子叫做比較集中。但係而家就好似越嚟越分散,越嚟越難控制。所以有啲言論話美國雖然殺咗一個恐怖組織嘅主腦,但係就衍生多好多分支同恐怖領袖。咁你話拉登死咗係好事定壞事呢?

Leave a Reply

Your email address will not be published. Required fields are marked *

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]