新產品

「預期」

又係俾蘋果發布會洗版嘅一日。今日個個係度討論邊個啲新產品,不過好似今次嘅反應有啲唔同,因為有讚亦有彈。作為一個用家,一個果粉,其實覺得近幾次嘅發佈會越嚟越一板一眼。個格式繼續沿用以前個套,冇乜新意可言,甚至乎有啲悶。但係好明顯蘋果每一次都將科技一步一步向前推進,今次最大嘅話題應該係支筆同蘋果電視。我覺得今次進一步體驗平台融合性嘅重要性!

「感想」

雖然唔知大家睇完蘋果發布會有乜感覺,亦唔知大家會唔會又出新電話,新平板,新手錶甚至乎新機頂盒。當然好多人話會激死教主,但係老實講,唔同產品係俾唔同嘅消費群組。畢竟我都覺得支筆好似同教主之前嘅理念背道而馳,但係實際係商業社會或者工作上,支筆係有佢嘅作用,而作為一般使用者未必覺得有需要係好平常嘅事。不過我對佢哋個電話更新服務有興趣啲!唔知香港幾時有呢?

「總結」

今次新嘅產品真係各花入各眼,而最大嘅感覺就係作業系統嘅融合性同擴展性。嚟點係其他平台遇到嘅困難,因為蘋果嘅產品嘅統一性同融合性係無法去比較。當然新嘅粉紅色手機就好明顯針對女性市場啦,而超大嘅平板電腦同指筆,個人認為係教育層面同設計相關嘅行業真係好有用。至於隻錶,應該係發佈會最少人關注嘅產品。最後個機頂盒,相信又會對傳統電視同遊戲業帶來影響,睇怕以後真係唔使再買碟同遊戲。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]