曾俊華

「財爺」

好老實講,曾俊華做財政司做得好唔好,或者見仁見智。我個人認為真係好一般啦,因為大家對佢每年嘅財政預算案都係冇乜期望,但係好多時唔知點解覺得佢講嘢同我哋所謂嘅特首時不時都有所偏差。當然嚟樣嘢就得佢自己先知,不過有時就見到佢講啲嘢同做啲嘢都似返一個香港人,最起碼唔似我哋個特首咁。不過某啲言論就真係會令人憤怒嘅,就正如佢話自己係中產咁。

「感覺」

你需然未必鍾意曾俊華,但係嚟個財爺最少親身去支持香港嘅運動員。就好似香港昨晚係世界盃外圍賽對卡塔爾,雖然最後不敵落敗,但係一句「香港好波!」就已經足夠!與此同時之前亦知道佢同一班創業嘅朋友食咗餐飯,雖然唔知個晚佢地討論嘅內容。但係就嚟兩樣嘢,我覺得最少佢肯親自去感受。講真你會覺得其他政府官員會去做啲咁嘅嘢?就算係做,都係去做騷咁做,根本毫不關心。

「政府」

點都好,係嚟個特首嘅管治下面嘅一班官員,老實講真係無運行。齋係睇佢管理之道就好有問題啦,以為自己係商業社會咁,話炒就炒啲官員。講真如果唔係特首嘅影響,或者曾俊華嘅形象會好啲。而家睇返其實財爺都好似幾玩得,有時係無聊啲,不過有時都真係幾好笑。睇佢網誌啲標題都幾得意,如果佢自己係社交網站再公開啲,透明啲就好啦!今時今日做公眾人物就預咗無私隱㗎啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]