抗戰日

「二戰」

係今時今日相信戰爭對於好多人嚟講都係一啲歷史記載,除非你住係中東地區,如果唔係,相信都唔會知道打仗係點。事關依家世界大部份地方都算係天下太平,而係第二次世紀大戰除咗納粹德軍係歐洲發動嘅戰爭之外,係亞洲大部份國家都被日本侵佔。如果你問我,睇番歷史,日本係二戰嘅時候其實係非常殘忍,非常恐怖。佢哋基本上無視任何生命。

「抗戰」

今日係抗戰七十周年紀念日,當然日本到嚟刻其實都未有對好多事情作出正式嘅道歉。講真雖然話我哋嚟一代無經歷過香港嘅三年零八個月,甚至乎佢哋係其他地區嘅暴行。不過歷史就係歷史,做過就係做過,唔係話過咗咁多年就可以當冇事發生過。當然唔希望以後再有咁殘酷嘅戰爭係我哋嚟個世界出現,因為以現今科技再打仗嘅話該會造成更大嘅傷亡!

「歷史」

有一樣嘢近排經常有人討論嘅就係,中國係建國六十幾年,但係就慶祝抗戰勝利七十年?點解?因為係中國抗日戰爭結束後,中國共產黨同中國國民黨展開爭奪中國政權嘅國共內戰。直至一九四九年,中國共產黨領導嘅人民解放軍擊潰中國國民黨指揮嘅中華民國國軍。就係咁,所以大家要記住啦點解有幾年嘅出入啦!點都好,今日係要為世界和平而犧牲嘅人作出致敬!因為冇佢哋就無我哋今日嘅和平生活!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]