開學日


個人分享
Tagged With: , , , , , , , , ,

「洗版」

今日又係一年一度嘅開學日,雖然我個仔啱啱先出世,所以仲未有共鳴。但係今日一整日真係俾所有家長嘅仔女返學相洗版。當然到我個仔返學嘅時候,或者我都有可能係其中一個。不過今日真係超級變態,由幼稚園到小學,小學到中學,兄弟到姊妹,一張張新學期嘅返學放學相不斷係咁洗我版。當然好明白做人父母嘅心態,如果你有日見到我擺相上社交媒體嘅話,請原諒!

「返學」

唔知大家仲記唔記得自己第一日返學係點?我真係唔記得,係喊定係笑?扭計要返屋企?幼稚園嘅記憶真係好模糊。不過我相信每個人大咗都唔想開學,尤其係到咗高中同大學。當然每個細路仔都希望有一個放唔完嘅暑假,唔駛做暑期作業嘅暑假,同唔駛補習嘅暑假。而到大個咗出嚟做嘢之後,先知道原來最開心嘅日子其實係返學嗰段日子,而家我都好懷念返學放學個種生活。

「學費」

而家啲學費真係幾誇張,如果按照咁嘅速度,真係唔知到阿仔返幼稚園嘅時候嗰時需要幾多錢。先唔好講幼稚園,以前邊有啲乜乜嬰兒班。最變態嘅係竟然有啲學校課程係培訓啲細路仔點樣去面試,認真誇張!當然我唔覺得有需要,而且真係覺得有啲乜乜乜課程係搵家長笨。係度提醒自己,當自己個仔到咗適學年齡,千祈千祈唔好變做怪獸家長,樣樣嘢都要個仔去學。就算唔係學費個問題,我都唔想我個仔無晒童真!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]